Ang larong ito ay base sa ritwal ni Hudas at ng kaniyang higanteng ari sa Antique. Tuwing Sabado de Gloria ay ipinaparada sa buong bayan ang effigy ni Hudas na may higanteng ari. Nagtatapos ang parada sa tapat ng simbahan, sakto sa paglabas ng mga nagsimba. Sinusunog ang effigy ni Hudas, kadalasan ay may mga paputok sa loob ng katawan nito. Tanging matitirang buo ang higanteng ari ni Hudas sa abo ng kanyang effigy. Sa paglipas ng panahon ay namamatay na ang ritwal, at ang katutubong kamalayang pumapaloob dito. Sa iyong paglalaro, matutulungan mong mapalaking muli ang pitoy ni Hudas. Matutulungan mabuhay muli ang ritwal. Ikalat ang magandang balita sa mga kaibigan, sa Facebook, sa Twitter, sa mga blog. Sama-sama nating laruin at PALAKIHIN ang Pitoy ni Hudas.